Bilboko zapata-denda berezienetatik paseoan
Marka anitzeko zapata-dendak, gizonezkoentzako esklusiboak edo haurrentzako oinetakoak, etxeko espartinetan eta zapatiletan espezializatuak edo planetarako oinetako-markarik jasangarriena. Hauek dira gaur ezagutu nahi ditugun saltokiak.
Bilboko bost zapata-denda oso berezi bisitatuko ditugu, bat 80 urte baino gehiagoko ibilbidearekin, beste bat ia batekin, baina guztiak nabarmentzen dira espezializazioagatik, produktu desberdin eta kalitatezkoaren aldeko apustuagatik, uneko marka onenekin lan egiteagatik, filosofiagatik eta iraunkortasunagatik; azken finean, Bilboko bost denda, zure oinak janzteko orduan ezagutu behar dituzunak.
Emakumeentzat: FOXTER SHOES (Diputación 2 / Máximo Aguirre 30)
Marka anitzeko denda, kalitatea eta diseinua. Foxter Shoes-en erraza da eguneko une eta aukera bakoitzerako zapata-pare perfektua aurkitzea. Bere bi establezimenduetako edozeinetan gizon eta emakumeentzako oinetako aukera zabala aurkituko duzu, ezkontza eta ekitaldi berezietarako oinetako formal eta dotoreetatik sandalia eta bota arinago eta modernoagoetara, egunerokorako kirol-zapatila eta zapatila kasualetan egindako proposamenak ahaztu gabe.
Denboraldi bakoitzean, Foxter Shoes-ek estatuko eta Europako merkatuko marka nagusien moda-proposamenak hurbiltzen dizkigu; besteak beste, Apepazza, As 98, Dolomite, Flower Mountain, NeroGiardini, Pertini, Pons Quintana, Voile Blanche, United Nude, Calce, Candice Cooper, Makis Kotris edo Panchic. Kalitatea eta diseinua, barra-barra.
Gizonentzat: CALZADOS ALONSO (Astarloa 2)
Gizonezkoentzako oinetakoetan espezializatutako Bilboko zapata-denda bakarra. 1940az geroztik, Alonsok gure hiriko gizonik dotoreenak janzten ditu, haien zapaten kalitateak eta eskaintzak liluratuta. Zeremonia eta sport estilokoak dira, hainbat ekoizpen eta joskintzarekin (goodyear, blake edo kiosko-erako mokasinak) eta haien tailu zabalak eta zabalera bereziak.
Eskuz egindako zapatak, etxeko zapatilak, Oxford klasikoak eta abarketak aurkituko dituzu. Enpresa ospetsuenekin lan egiten du, hala nola Pertini, Loake, Jesús Canovas, George’s, Barrats, Lottusse, Calce, Cordwainer, Sebago, Aida, Sergio Serrano, Clarks, Baudot, Pielsa, Romika…
Alonso denda mitikoa da, nahitaez bisitatu beharrekoa; bere alaka hiriko ederrenetarikoa da, eta bere barrualdea zur noblez egina dago, bere kaxa berde txukunekin oso giro british eta berdingabea sortzen dutelarik.
Haurrentzako eta ez hain haurrentzako: CALZADOS JARDILÍN (Doctor Achúcarro 2)
Zaldiko-maldikoen zapata-denda. Bilboko haurren zapata-denda nagusia da. Nork ez ditu probatu zapata batzuk zaldiko-maldikoan? 1967tik, Jardilinek haurrei edozein aukeratarako oinetakoak jarri dizkie, bai bataio, jaunartze edo ezkontza garrantzitsuetarako, bai eskolarako, euritarako edo hondartzan oporrak igarotzeko.
17 neurritik 45era bitarteko oinetakoak ditu, eta, beraz, ez dira gutxi Jardilinen alde apustu egiten jarraitzen duten helduak bere oinak janzteko. Haurren oinetakoetan erreferenteak diren markekin lan egiten du, eta beste marka berriago eta joeragokoekin: Birkenstock, Gorila, Camper, Conguitos, Geox, Havaianas, Hunter, Kickers, Natural World, Condor, Andanines, Reef, Timberland, Ugg edo Victoria beste askoren artean. Begira, Calzados Jardilinen adin, gustu eta behar guztietarako zapatak aurkituko dituzu.
Etxetik ibiltzeko: ZAPAGATAS (Askao 2)
Zapatilen eta espartinen denda made in Euskadi. Zazpi Kaleen bihotzean Zapagatas dago, eta izenak bere espezialitateei buruzko arrastoak ematen dizkigu: etxean egoteko zapatilak eta espartinak. Udaberri-udako denboraldian, espartinaz, kolore guztietako espartinaz, lauez eta falkaz, xingolekin edo xingolarik gabe, lisoz, estanpatuz, marraz… gainezka egiten duen lokala, baita eskuz margotutakoak ere, baina denak Euskadin artisau-eran eginak. Mila esapartina baino gehiago, eta modelo guztiak bakarrak eta originalak dira.
Udazkena iristearekin batera, hotza sumatzen hasten denean, espartinek etxeko zapatilei lekua egiten diete familia osoarentzat, haurtxoetatik hasi eta aititeetaraino. Zapagatasen estilo, kolore eta ehunen aniztasuna bermatuta dago, koadroen klasikoetatik edo Cotorruelorenetik haratago bizitza dago. Modelo erosoen artean aukeratu ahal izango duzu.
Bilboko zapata-denda ugarietako bost dira, baina espezializazioagatik, kalitateagatik, filosofiagatik eta esperientziagatik nabarmentzen dira. Zein da zure gogokoena?
