Emakume dendariak – M8

Lana eta familia bateratzea edonoren buruhaustea bada, are gehiago, egunero euren negozioa kudeatzen duten emakumeentzat. Horrelako ekintzaile asko daude Bilboko merkataritzan, eta horregatik, bere modura martxoaren 8a egunero ospatzen duten horiei bilbaoDendak elkarteak omenaldia egin nahi die, Emakumearen Nazioarteko Egunean merezi duten protagonismoa emanez. Hortaz, plataforma osatzen duten hamahiru merkataritza elkarteen eskutik, emakume horien ahotsak jaso ditugu; beste askok bezala, eguneroko ahaleginarekin auzoak biziaz eta nortasunaz betetzen dituztenak.

1 BLV min

Araceli – Farmacia Jiménez Hernandez

27 urte zituela bera bakarrik Bilbora etorri zen lan bila.

Errioxan ikasi eta lan egin ondoren, Aracelik, duela 35 urte, Bilbora joatea eta bizitza berri bat ekitea erabaki zuen.

Bilbo Zaharreko Jiménez Hernández Farmaziaren jabea da.

Farmazialari gisa egiten duen lanaz gain, hizkuntzarekin ongi moldatzen ez diren etorkinei errezetak edo botikak ulertzen laguntzen ditu, eta horrexegatik oso harro eta pozik sentitzen da. Araceli, ausardia eta profesionaltasunaren adibide bikaina da.

3 BC min

Ana – Lencería Egay

Ia 60 urteko historia duen negozio baten hirugarren belaunaldia.

Anak txikitatik bizi izan du bere amama eta amaren lana dendan, emakumeek emakumeentzako egindako negozioa baita.

Erreleboa hartu zuen, eta gaur egun, ama, alaba eta bilobak jasotzen ditu berak.

Historia, kalitate eta maitasunez betetako lekua da.

5 deusto min

Antonia – Centro Visual Argia

Duela 25 urte ireki zuen Antoniak Centro Visual Argia Deustun. Momentu horretan ilusio handiz sortu bazuen ere, bide berri batean murgiltzeko beldur zen.

Gurasoak Deustukoak ziren eta auzoan denda bat zuten, horregatik, hasiera-hasieratik hauxe izan zen ekiteko bere lehenengo aukera.

Begikotasunez eta adeitasunez jendearengana hurbiltzen saiatzen da, gertuko tratua eta familiarra emateko.

11 otxar min

Marisa – Frutería Marisa

Marisak Otxarkoagako merkatuan dauka bere fruta-denda, duela 38 urte merkatua sortu zenetik. Ia ezer jakin gabe hasi zen bere anaiarekin batera, eta bizkor ibili behar izan ziren bezeroei ahalik eta onena eskaintzeko, berarentzat garrantzitsuena dena.

Marisa negozioaren buru da, urte asko daramatza bere auzoan, eta bere bezero leialak ezagutzen ditu, bakoitzari zer eskaini badaki.

9 CV min

Ana – Sí quiero

Ana emakume langile eta ekintzaileen alaba eta biloba da. Zazpi Kaleetako “Si quiero” dendaren jabe da, 40 urte baino gehiagoko historia duen negozioa.

Sekulako erreferenteak izan ditu familian, izan ere, emakumeak nola lan egiten zuten eta negozioak aurrera eramaten zituzten beti ikusi izan du bere etxean.

Anak odolean darama.

2 Zorroza min

Eugenia – Modas Loycar

Eugeniak bere bezeroetan pentsatzen erosten du generoa. Emakumeekin harreman zuzena du egunez egun, eta haiekin pozik dago.

Bere Zorrotza maitearekin eta bere dendarekin erabat inplikatuta dago, izan ere, duela 23 urtetik, Eugenia Modas Loykar dendaren jabe da.

Gainera, Zorrotzako Merkatarien Elkartearen sortzaileetako bat izan zen.

Energia, ekimena eta ausardi handiko emakumea da.

8 rekalde min

Yoli – Moda Infantil Yoli

Yolik ia 30 urte daramatza Errekalde auzoan haurrentzako arropa saltzen. Hemen, jendearen ohiturak nola aldatzen joan diren ikusi du. Azken urteotan gizonak gero eta gehiago inplikatzen direla ohartu da, oraindik emakumeak bere dendara gehiago joaten direnak badira ere.

Yoli, emakumea borrokalaria eta bigarren belaunaldikoa, bere auzoaren alde egiten du tratu hurbila eta zintzoa eskaintzen.

10 basurto min

Abigail – Centro de belleza Arduan

19 urte besterik ez zituela eta Unibertsitatean zegoela Abigailek bere lehen negozioa ireki zuen ahizparekin batera.

Ekintzailea eta autonomoen familiatik datorrela, 22 urte daramatza Arduan estetika-zentroarekin, estetika aurreratuko zentroa. Gainera, duela urte bat beste bat ireki zuen Henao kalean.

“Itxialdia amaitu zenean gauza berriak egiteko bultzada sentitu nuen”.

4 D2 min

Maika – Salón de belleza y estética Maika

Estetika da bere pasioa.

21 urte besterik ez zituela, Maikak bere estetika-negozioa sortu zuen Uribarrin: Mayka Estetika. 30 urte baino eta gero, bere lanarekiko grina mantentzen du.

Hau bai ekintzaile ausarta.

“Bezero bat atetik sartzen den unean ez dago niretzat zer garrantzitsuagorik”.

7 Hiru Auzo min

Esti – Idem

Estik duela 4 urte bere negozioa ireki zuen San Inazio auzoan. Hainbeste emakume bezala, Estik bere lana eta bizitza pertsonala bateratzen ditu.

“Etxera heltzen naizenean, ez dut atsedenik hartzen, 5 urteko haur txiki bat dut. Hala ere, etxetik kanpo lan egitea nahiago dut, jendaurrean egotea izugarri gustatzen zait”.

Bere estiloarekin, Estik ontzira gabeko lurrinak saltzen ditu, jatorrizkoetan oinarrituta, eta boho estiloko osagarriak. Giro freskoa eta bakarra auzoan.

13 santutxu min

Ana Belén – BJ Complementos

Berriro hasi pandemia baten erdian.

Ana Belenek, Mari Carmen ahizparekin batera, 2020an bere bizitzaren norabidea aldatzea eta bere negozioa izatea erabaki zuen. Horrela iritsi zen BJ Complementos, Santutxun.

Bi urtetan poltsa eta osagarrietan eguneratu behar izan dira: estiloak, materialak, azken joerak… hori dena bezeroak aholkatu ahal izateko merezi duten bezala.

Ana Belen ostalaritzatik zetorren eta beti gustatu izan zaizkio poltsak.

Berezko negozioa duten lehen aldia da, eta ilusio eta gogo handiz bizi dute.

12 Txurdi min

Marian – Peluquería Aryca

Txurdinagako Julian Gaiarre inguruneko lehen ile-apaindegia Aryca izan zen. Duela 29 urte sortu zuen Marianek; izan ere, ile-apaindegi desberdinetan lan egin ondoren, ekitea eta bere negozioaren kapitaina izatea erabaki zuen.

Ile-apaintzaile honen atzean lan-ordu asko daude, baina bere dedikazio eta ahaleginari esker, auzoan leku garrantzitsu bat egitea lortu du.

6 mercado min

Pili – Frutas Pili Burgoa

Pilarren urtebetzea da gaur. Zorionak!

Bere irribarre gozoa eta sinpatia nagusi dira Erriberako merkatuan, 40 urte baino gehiago baitaramatza bertan fruta eta barazkiak saltzen.

Gaztetan hasi zen, 14 urterekin, bere anaiarekin batera, eta jada 22 urterekin negozioaren ardura hartu zuen.

Garai onak eta txarrak bizi izan ditu, baina Pilik ez du irribarrea galtzen. Gustura dago bezeroekin.’ Duela urte batzuetatik gizonezko bezero gehiago dituela nabaritu du. “Orain haiek ere erosketak egiten dituzte, berdintasun handiagoa ikusten dugu”.

Gracias por participar*…

… ¡y sigue votando!

Si aún no has votado las 7 categorías, recuerda: cuantas más categorías votes, más posibilidades de ganar los 300 €. 

*Notificaremos por email el nombre de la persona ganadora del sorteo el lunes 15 de noviembre. ¡Sigue!