bilbaoDendak-ek omenaldia egiten die gure hiriko merkataritza-sarea osatzen duten emakume guztiei, sektorearen arima eta motorra baitira
Desberdinak dirudite, azken batean, bizipen bakoitza hala da, baina testigaintza hauek guztiek negozio baten buru izateak dakarren ausardiaz, eta lana eta familia uztartu behar dituzunean gehitu beharreko esfortzu plusaz hitz egiten dute.
Carla – AJ Complementos
Carlak “AJ Complementos”-eko agintea hartu zuen 2021ean, saltzaile gisa 12 urte eman ondoren.
Bere negozioa izatera pasatzea une polita izan zen beretzat, nahiz eta onartzen du ez zela berak buruan zuena.
“Inoiz ez nuen pentsatu nire negozioa izango nuenik, baina bizitza horretara eraman ninduen, eta oso burugogorra naiz”.19 urte zituenetik dago denda honetan, zorionekoa sentitzen da oso bezero fidelak dituelako.
Izaskun – Confecciones Turin
“Arraro dirudi, baina niretzat denda dena da, asko gustatzen zait. Nire ahalegina eta saria da”.
Izaskun 16 urte zituenetik dabil merkataritzan lanean. Bere gurasoek duela 53 urte ireki zuten “Confecciones Turín” Santutxu eta Basarrate artean kokatua. “Eskolatik irten eta hona etortzen ginen”.
Auzoko denda denez, dena oso familiarra da, eta horrek asko lagundu dio lana eta seme-alaben hazkuntza uztartzeko.
“Gurasoen ordezkoa hartu nahi nuen beti, niri hau izugarri gustatzen zait”.
Rebeca – Batas de colegio originales
Rebecak negozio bat ireki zuen, gizon eta emakumeen bildumak egiten zituen tailer-denda bat, baina ez zuen funtzionatu berak nahi zuen moduan, eta berrasmatu egin behar izan zuen. Horrela jaio zen “Batas de Colegio”.
Bere ahaleginarekin eta jarraikitasunarekin modua bilatzen jakin zuen, “okertu egin nintzen eta buelta bat eman behar izan nuen”, dio diseinatzaileak.
Aitortu du une batzuk izan dituela esateko: zertan ari naiz? baina aurrera ateratzeko konfiantza izan zuen
“Gustatzen zaidan horretan lan egiteak bultzatu nau berrasmatzera”.
Elena – Decoración y hogar
Elena oihal eta harien artean hazi da.
Bere amak duela 30 urte ireki zuen “Decoración y hogar” San Ignazion, eta orain dela 10 urte bera da buru.
Aitortzen du hasieran bertigo ematen ziola, bere amak listoia oso altu utzi zuelako, errezeletan aditua zela, “errezelak jarri ditu Bilbo erdiari”
Hala ere, bere amaren laguntzarekin eta ahalegin handiarekin sektorean bere lekua egitea lortu zuen.
Inés – Modas Inés
Merkataria izatea bizimodu bat da. Inések ia 30 urte daramatza dendan. Gurasoek Modas Inés ireki zuten Errekalden 1968an eta berak hartu zuen ordezkoa.
Jendearentzako arreta eta bezeroei irribarre egitea oso garrantzitsua da.
Pandemia mugarri bat izan zen. “Edo itxi, edo geratu eta borrokatu, eta borrokatzea erabaki dut”.
Kudeaketa, erakusleiho-apainketa, salmenta-puntua, bezeroarentzako arreta, produktuaren erosketa eta salmenta… guztia berak kudeatzen du lan titaniko bat eginez.
“Jokatzea erabaki nuen, eta pozik nago erabakiarekin”.
Mariví – Pastelería Onenak
“Abokatu-lana utzi nuen gozogintzan aritzeko”.
Mariví, Iñaki bere bikotekidearekin batera, Pasterías Onenak enpresaren buru da Basurtun.
Aita-amaginarrebengandik heredatu zuen negozioa da, eta pausoa ematea erabaki zuen, gustuko zuelako. Oso lan polita da, eta Marivik egunero gozatzen duena.
Itxura berria ematen jakin dute, elaborazio ezberdinak sortuz eta lehengai berriak erabiliz.
Eguzkiñe – Clínica Dental Ondarroa
27 urterekin, Eguzkiñek bere hortz-klinika sortu zuen Txurdinagan, clínica dental Ondarroa. Laguntzarik jaso ez arren, bere lanaren alde egin zuen eta ekitea erabaki zuen.
“Klinika aurrera atera dut egin duda lan eta ahalegin guztiagatik”.
Alaba erditu eta hilabetera, lanera itzuli behar izan zuen. Izan ere, aitortzen du “autonomook ez dugu batere erraza”.
Mari – Restaurante Etxekoa
“Nik borrokatu egin dut, beste lan batetik etorri eta aurrera ateratzen jakin dut”.
Mari, bere seme Ederren ondoan, Restaurante Etxekoa-ren buru da. Senarrarekin ireki zuen duela 24 urte, eta orain haiek dira arduradunak.
Marik bakarrik ikasi behar izan zuen dena, liburuen bidez, telebistako errezeten bidez… Oso harro sentitzen da lortutakoarekin, eta ez da gutxiagorako, bi seme-alabak ia bakarrik atera behar izan baititu aurrera.
“Lanera etortzea terapia bat bezalakoa da niretzat”
Isabel – Frutería Joseba
“Gero eta gizon gehiago etortzen dira erosketak egitera”, dio Isabelek, Deustuko Joseba fruta-dendakoa.
Isabelek 28 urte daramatza Joseba fruta-dendaren buru senarrarekin batera Deustun. Goizeko 3etan jaiki da, Mercabilbaora joateko eta fruta-denda 08:00etan irekita edukitzeko.
Lan sakrifikatua egin arren, Isabelek poza eta energia positiboa transmititzen ditu bere postuan, “ahalik eta hobekien egokitu behar da” dio.
María – D’jamberi
Mariak 2011n ireki zuen denda senarrarekin, duela 5 urte alargundu egin zen eta Calzados d ‘Jamberiren ardurapean geratu behar izan zuen Zorrotzan
Beti irribarrez eta arazoak atean utzita, Mariak bere zapata-denda eramaten du aurrera.
Senarra hil zitzaionean bere burua bakarrik ikustea oso gogorra izan zela aitortzen du, baina “aurrera egin nuen eta bere legatuarekin jarraitu nuen”.
Nerea – Optica Ibaizabal
Nerea Ibaizabal Optikaren buru da, Abusun, duela 25 urtetik. Auzoaren konfiantza lortu zuen denek optika berera joateko ohitura zutenean.
Negozio propioa izatea eta bizitza pertsonalarekin uztartzea askotan zaila da. “62 urte ditut eta ez dut seme-alabarik, baina ama dementziaduna dut”, esan digu Nereak.
Andre Berri, auzoko emakumeak, emakumeen mugimendu askotan parte hartzen du betidanik, “ez nuke nabarmendu beharko, baina uste dut oraindik bai”.
Ana – Mercado de La Ribera
Anak eta haren senarrak duela 17 urte Erriberako Merkatuko postua hartu zuten oinordetzan.
Ana gozogintza batetik oilasko-dendara igaro zen, eta aldaketa handia izan zen 0tik ikasi behar izan zuen.
Gutxinaka profesionalizatzen joan zen eta bere bidea ireki zuen prestatutakoen munduan.
“Ordu asko behar izan ditugu gauza ezberdinak eskaintzeko eta aurrera egiteko”
Ana – Tonific Peluquería
“Hau ez da lan bat niretzat, nire grina da, nire zaletasuna”. Anak 20 urterekin ireki zuen bere lehen ile-apaindegia.
Adimen geldiezina eta dedikazio handia du, eta orain Tonific-en buru da, duela 13 urtetik.
Izugarri gustatzen zaio bere lana, eta ilusio handiz gogoratzen ditu hastapenak, ekitea eta Tonific sortzea, berak nahi bezala egindako ile-apaindegia, tratu berezi, pertsonalizatu eta esklusiboarekin.
Onartzen du ez dela erraza lana eta pertsonala uztartzea, ordu asko baitaude atzean, baina deskonektatzen eta bereizten ikasi du.
Josune – Estanco Martínez
“Ostiral batean erditu nuen, eta astelehenean lanean ari nintzen”.
Josunek 16 urte zituenetik darama lanean. Orain dela 35 urte, bera eta bere senarra Otxarkoagako aita-amaginarreben estankoaren buru dira.
Hiru seme-alabaren ardurapean, Josune eta bere senarra talde bat dira, eta beren negozioa bizitza pertsonalarekin uztartu ahal izan dute; azken urtean, ordea, senarrak Madrilera joan behar izan du, astelehenetik ostiralera bizitzera, eta, orain, bera arduratu behar da guztiaz. “Ezinezkoa ez, baina bai oso gogorra”
“Akrobata samarra naiz”, eta beharrezkoa da erritmoa jarraitzeko.
