Bitxi-denda garaikidea

Irudimenerako ihesbide bat sortzea

Ganboa bitxigintza garaikideko tailer ireki bat da. Bertan, jendea lokalean begira eta ikusmiran dabilen bitartean, Maitenak nola lan egiten duen ere ikus dezake. Hurbiltzen den ororen begien bistan sortzen eta hazten da dena. Pertsona bakoitzaren gustuaren arabera, baina egilearen izaera eta nortasunarekin egindako piezak eta bildumak. Eskuz banan-banan sortutako bitxiak. Horixe da Maitenaren adierazteko modua. Hitzik gabe mintzatzeko modua. Hortxe dago magia. Izan ere, bitxi bat bereziagoa da daramazuna bakarra dela dakizunean.

Noiztik: 2015