Bartzelona, Düsseldorf eta Bilboko tokiko berrikuntzaren adibideak erakutsiz
Jardunaldi hau ikasketa eta konexiorako espazio bezala eratu da, tokiko merkataritza indartsuago, berritzaileago eta lehiakorrago baten alde.
Tokiko merkataritza jarduera ekonomiko bat baino askoz gehiago da: identitatea, iraunkortasuna eta hiri-abangoardia da. Hirien bizitzarako ezinbestekoa da, eta etengabeko egokitzapena eta berrikuntza eskatzen duten erronka garrantzitsuei egin behar die aurre.
Eraldaketa testuinguru honetan, bilbaoDendak, hiriko merkataritza eta turismo jarduera sustatzeko plataformak III. Encuentro HemenGO SHOPPING ospatu du.
Edizio honek Bartzelona, Düsseldorf eta Bilboko kasu erreal arrakastatsuak erakutsi ditu, ingurune aldakor batean berrasmatzen eta aurrera egiten jakin dutenengandik ikasteko helburuarekin. Jardunaldia inspiraziorako, ikasketarako eta konexiorako espazio gisa eratu da, tokiko merkataritza indartsuagoa, berritzaileagoa eta lehiakorragoa sustatuz.
Kontsumo-ohiturak eta bezero-profila aldatu egin dira; jada ez da nahikoa produktu on bat eskaintzea, bezeroak esperientziak bizi nahi ditu. Horregatik, konektatzea, hunkitzea eta komunitatea sortzea lortzen duten balio sendoko proposamen bat duten establezimenduak nabarmentzen dira. Horretaz jabetuta, bilbaoDendak hainbat ekimen bultzatzen ari da berrikuntza tokiko negozioetara hurbiltzeko, negozio horien tamaina edo sektorea edozein dela ere.
Testuinguru honetan, E-ncuentro HemenGO SHOPPINGen edizioa ospatu da, Bilbo, Bartzelona eta Düsseldorfeko establezimendu oso desberdinen lau kasu erreal eskaini dituena, baina beren arrakastak eta begirada berritzaileak batzen dituena. Komertzio bakoitzak azaldu du zer eta nola egiten ari den bereizteko, balio erantsia eskaintzeko, bezeroak erakartzeko eta leialtzeko.
BARTZELONA, DÜSSELDORF ETA BILBO, BEREN KOMETZIOENGATIK ELKARTUTA
Aurkeztu den lehen esperientzia Astarloa izan da. Liburuak, zaharkinak eta artea. Tradizioa, kalitatea eta bilakaera irudikatzen ditu, bere funtsa galdu gabe eraldatu den historia duen liburu-denda. 1992an sortu zen, liburu zaharretan eta bigarren eskukoetan espezializatutako liburu-denda gisa, baina gero eta interes handiagoa du grabatuekiko, bilduma zaletasunarekiko eta liburu arraro, eskuizkribu eta inkunableekiko, eta, horri esker, erreferente bihurtu da gaur egun bibliofiloentzat eta arte-zaleentzat. Bere establezimenduaren eraberritzeari eta estrategia digital bati esker publiko berria erakartzen jakin du.
Bartzelona ere protagonista izan da E-ncuentro honetan. Kataluniako hiriburuak hurbileko merkataritzaren balioa indartzen jakin du; beste hiri-ingurune batzuk inspiratzen dituzten joeren laborategi bizia da. Oraingo honetan berrikuntzagatik berriki saritutako bi establezimenduren esperientzia azaldu da. Alde batetik, La Conservera BCN,kontserba-tradizioa esperientzia sentsorial, jasangarri eta konpromiso soziala duen esperientzia bihurtu duena. 300 erreferentzia baino gehiago ditu kontserbetan, eta, gainera, hurbileko produktuekin prestatutako platerak, dastatzeak eta proiektu solidarioak sustatzen ditu. Eta bestetik, Mercería Dos Punts, ehuntzeko artea biziberritu duena, joera eta komunitate bihurtuz bere ikuspegi garaikideari, tailer sortzaileei eta sareetan duen presentzia altuari esker.
Nazioarteko begirada Düsseldorfen eskutik etorri da, bere shopping events ezagunen bidez retaila modernizatzeko eredua. Lorettostrasse kale zirraragarriarekin zuzeneko konexioa eginez, non diseinatzaileen boutiqueak, vintage dendak, galeriak eta kafeak elkarrekin bizi diren, tokiko merkataritza bultzatzeko jardunbide egokiak ezagutu dira, baita Hammermann-en esperientzia zehatza ere, Europako merkataritza txikiaren bilakaera irudikatzen duen concept store bat.
ETORKIZUNARI BURUZKO HAUSNARKETA KOLEKTIBOA
III. E-ncuentro HemenGO SHOPPINGen edizioak gertuko merkataritzak hiri eredu berri, jasangarri eta identitatedun bat nola berrasmatu, lagundu eta gidatzen duen erakusten duten benetako lau istorio azaldu ditu. Hiri-merkataritzaren etorkizuna inspiratzeko, partekatzeko eta eraikitzeko ekitaldi gisa berresten da, helburu honekin: hausnarketa kolektibo bat sortzea merkataritzaren orainaren eta etorkizunaren inguruan, profesionalen arteko sinergiak eta sareak sustatuz, estrategiak partekatuz negozio-eredu lehiakor, sendo eta kontsumoaren errealitate berrietara egokitutako baterantz eboluzionatzeko.
