fbpx

Bilbo: birsortzeko gaitasuna

Bilbo: birsortzeko gaitasuna

Gehiago eta hobeagoak

Merkataritza kalera eramatea eta jendearekin kontaktuan egotea gure indargunea izan behar da

Merkataritza elkarteek egiten duten lana goraipatzen du, gabonetako kanpaina izugarri bultzatzen dutelako, besteak beste. HemenGO Shopping Ibilbideak edo sektorearen digitalizazioa bezalako ekimenak azpimarratzen ditu ere.

Sektorea indartzeko bilbaoDendak-ek zein merkataritza-erronkei egiten die aurre?

-Lehendabizi, digitalizazioa. Askok Internet gure etsaia dela uste dute, baina hori ez da egia; Internet tresna itzela izan daiteke Instagram profil landua duen dendarentzako, adibidez. Ordenagailua eguneroko tresna da ni bezalako denda-kudeatzaileentzako, ez bakarrik saltokiaren stocka minutuero ikusteko, baita beste hainbat gauza gestionatzeko ere. Online salmenta landu eta teknologiak eskaintzen dituen aukerak aprobetxatu behar ditugu. Berez, saltokietan doako wifia eskaintzeko egin dugun ekimena guztiz arrakastatsua izan da, izan ere, gure negozioaren inguruko datu baliagarriak ematen dizkigu.

Teknologia berriak belaunaldi aldaketaren gakoa dira…

-Horrela da. Orokorrean sektore honek ez ditu gazteak erakartzen, eta hori dela eta, orain saltoki jabe askok ez dute ordezkorik izango.  Hala ere, oraindik ideia berriekin datozen ekintzaile eta gazteak daude. Inork ez daki merkataritza 10 urte barru nolakoa izango den, hortaz, profesional eta erakundeak bat egitea da daukagun aukera bakarra establezimenduak errentagarriak izan daitezen. Baina horretarako, guztiok arma berberarekin borrokatu behar dugu, guk %23 edo %24ko zerga ordaintzea eta Amazonek %1a soilik ordaintzea guztiz bidegabekoa da eta. Horren aurka ezin da lehiatu.

Administratiboki egoera hori berdintzea zaila dirudienez, kontsumitzailearen aldetik borondate ona itxaron beharko da.

-Prezioan bakarrik fijatu behar ez garela buruan sartu behar diogu kontsumitzaileari, dirua nora heltzen den kontuan izan behar dute ere. Tokiko merkataritzan gastatzen dugun euro bakoitza hirian bertan geratzen da, aberastasuna, enplegua… sortuz, aldiz, frankizia batean gastatzen dena…

Pentsamolde hori aldatzeko merkataritzan asoziazionismoa indartzea ere garrantzitsua da.

-Noski. Tokiko merkataritzak hainbat eragile izan behar ditu kontuan eta horren aurrean, bat egitea besterik ez dugu. Adibidez, hirian segurtasun faltaren sentsazioa baldin badago eta erakunde batengana jo behar baldin badugu, indar handiagoa izango dugu 2.000 establezimenduk batera egiten badugu, modu partikularrean baino. Bateratzeak indartsuagoak egiten gaitu sektorearentzako garrantzitsuak diren alderdi desberdinak borrokatzerako unean, hala nola, beherapenen erregulazioa. Gure elkarteen lana sektorearen etorkizunerako funtsezkoa da, horregatik, merkatariak animatu nahi ditut proiektu honetara gehitzera.