Bilbotik dendaz denda: egile-saltokiak

Bilbotik dendaz denda: egile-saltokiak

Bilboko lau denda interesgarri ezagutu nahi dituzu?

Bada guztiari bere ukitu pertsonala ematen dakienik. Berdin dio zer den, edozein produktuk izan dezake egile-zigilua. Kalitatea eta originaltasuna batzen dituzten lau denda ezagutzera gonbidatzen zaitugu, bezeroei estilo berezia eskaintzeko.

tienda PERFUMERIA EN BILBAO

Ruiz de Ocenda: zentzumenak esnatzeko espazioa

Heros kaleko 18. zenbakian Bilboko denda oroigarrienetako bat aurkitzen da: Ruiz de Ocenda. Hemen zure nortasunarekin bat egingo duten lurrin paregabeak aurki ditzakezu,  baita kosmetika naturala eta eskuz egindako bitxiak ere. Guzti hori gure etxea leku beroagoa bihurtzeko gauzekin batera, hala nola, lore edo kandela usaintsuak. Sartu besterik ez duzu magiaz betetako mundu batera joateko. Estatuko autore-lurringintza onenaren saria jaso zuen 2022an.

SUART JOYEROS

Suart: diseinu zoragarriko artisau-bitxiak

Iparragirre kaleko 9 bis zenbakian Ane Navarroren artisau-bitxien bilduma dago. Artistak bere tailerra ere bertan du, eta 2018az geroztik, Navarrok berak zein beste bitxigile batzuek egindako piezak erakusten ditu. Intuizioa eta esperimentazioa lan-metodo gisa hartuta, pieza moderno eta berritzaileak sortzen dira Suart lantegian.

BOU GOYA 1

Goya: idazketaren denda

Bilboko betiko establezimenduetako bat da Goya. 80 urte eta hiru belaunaldik bermatzen dute. Gerraostean liburuak mailegatzen hasi zen, eta gaur egun hiriko paper-dendarik ezagunena bihurtu da. Idazketa eta larru firma ezagunenak eta diseinuko kalitate goreneko artikuluak aurki daitezke gune paregabe honetan. Gainera, langile profesional eta hurbilaren aholkuak jaso ditzakezu.

Misschocole

Misschocole: momentu gozoenak ahaztezin bihurtu

Heros 11 eta Doctor Areilza 11 kaleetako establezimenduetan gozogintza eta bonboiak beste maila batean egiten dira. Hemen, gure Bilboko postre tradizionalenak eta bonboi berritzaileenak elkarrekin bizi dira. Konbinazioak hain originalak eta harrigarriak dira ezinezkoa dela gogoko bat izatea. Sormenez betetako denda da hauxe, eta bonboi bereziak probatu nahi dituen txokolatearen edozein maitaleri besoak irekitzen dizkio.

Partekatu:

Ibilbide eta plan erlazionatuak

Plana

Zazpi Kaleak maukez betetzen da

200 saltoki inguru aterako dira kalera otsailaren 29an eta martxoaren 1ean eta 2an, oso merke dauden produktuekin.
Ibilbidea

Inauterietako ogi txigortu onenak Bilbon daude

Inauterietako espezialitate tipiko hauetaz gozatzeko 4 gozotegi aurkezten dizkizuegu.
Plana

Loraldia Festibalaren 10. edizioa

25 ikuskizun eta 110 sortzaile. Hamargarren Loraldia: Munduari begiratzeko modu bat. Martxoaren 1etik 23ra, Bilbon.
Plana

“Van Gogh Experience” Bilbora iritsi da

Otsailaren 9tik aurrera, Van Gogh Experience-k margolariaren unibertsoan murgilduko zaitu bere bizitza eta lanetatik.bidai multisentsorial batean.